Amavubi Yatunguye Liberia i Kigali, Ayatsinda 3-1 mu Gushaka Itike ya AFCON 2027

Ikipe y’Igihugu y’u Rwanda, Amavubi, yacyuye amanota atatu y’ingenzi nyuma yo gutsinda ikipe y’igihugu ya Liberia ibitego 3-1, mu mukino ukomeye wo gushaka itike y’Igikombe cya Afurika cy’Ibihugu (AFCON 2027) wabereye kuri Stade Amahoro uyu munsi ku wa Gatanu, tariki ya 25 Nzeri 2026. Umukino

waranzwe n’Ibyishimo mu Gice cya Mbere Amavubi yatangiye umukino asatira…

amalive
September 25, 2026
No commentson Amavubi Yatunguye Liberia i Kigali, Ayatsinda 3-1 mu Gushaka Itike ya AFCON 2027
2 minutes
Read Time

Ikipe y’Igihugu y’u Rwanda, Amavubi, yacyuye amanota atatu y’ingenzi nyuma yo gutsinda ikipe y’igihugu ya Liberia ibitego 3-1, mu mukino ukomeye wo gushaka itike y’Igikombe cya Afurika cy’Ibihugu (AFCON 2027) wabereye kuri Stade Amahoro uyu munsi ku wa Gatanu, tariki ya 25 Nzeri 2026.

Umukino waranzwe n’Ibyishimo mu Gice cya Mbere

Amavubi yatangiye umukino asatira cyane, ashaka igitego hakiri kare cyane kugira ngo atsinde ikipe ya Liberia yari yaje i Kigali iyobowe n’umutoza Adil wahoze atoza APR FC . Ibi byahise bitanga umusaruro kuko ku munota wa 2 gusa w’umukino, umwataka Abeddy Biramahire yahise afungura izamu, atsinda igitego cya mbere cy’u Rwanda cyatumye Stade Amahoro yose inyeganyega.

Liberia ntiyacitse intege kuko yagerageje kwishyura no kugaruka mu mukino, ariko Amavubi yakomeje gukina neza mu bwugarizi no hagati mu kibuga. Ku munota wa 33, umukinnyi Leroy Jacques Mickels yaje gutsinda igitego cya kabiri cy’u Rwanda, bituma icyizere cy’intsinzi kiyongera.

Liberia nayo yanyuzagamo ikataka cyane yaje kubona igitego cyabonetse ku munota wa 38 gitsinzwe na Sylvanus Nimely Mbere y’uko igice cya mbere kirangira, habura umunota umwe ngo bajye kuruhuka, Amavubi yabonye penaliti ku munota wa 44 maze Jacques Lance Mickels ayitera neza cyane, bajya kuruhuka u Rwanda ruri imbere n’ibitego 3-1

Ikarita Itukura Yakoze kuri Liberia

Mu gice cya kabiri cyo kwishyura, Liberia yaje yahinduye umukino isatira cyane ngo igabanye ibitego, ariko ibintu byaje kuyikomera mu buryo bugaragara. Kimwe mu bintu bikomeye byagize uruhare rugaragara mu mikorere y’umukino, ni ikarita itukura yahawe umukinnyi w’imbere wa Liberia, Kpah Sherman, ku munota wa 61 w’umukino.

Kuba Liberia yasigaye mu kibuga ari abakinnyi 10, byashenye burundu umuryango wabo w’ubwugarizi no hagati. Amavubi yahise abyaza umusaruro uwo mwanya, akomeza guhererekanya umupira neza. Liberia yagerageze gushakisha ibindi bitego byo kwishyura ariko Amavubi y’u Rwanda akomeza kwihagararaho.

Intambwe Igana AFCON 2027

Iyi ntsinzi ije ikuraho icyuka cy’igitutu ku ntebe y’ubutoza n’abakinnyi, ikaba isize u Rwanda rufite amahirwe masa mu itsinda K ririmo na Mali ndetse na Cape Verde.